لاہور(سپورٹس رپورٹر) پانچویں چیف منسٹر ویمن گولڈ کپ ہاکی ٹورنامنٹ کا فائنل آج پنجاب وائٹس اور یونائٹیڈ ویمن ہاکی اکیڈمی کی ٹیموں کے درمیان کھیلا جائیگا۔ تیسری اور چوتھی پوزیشن کے لیے پنجاب کلر اور اسلام آباد جبکہ پانچویں اور چھٹی پوزیشن کے لیے خیبر پی کے اور سندھ کی ٹیمیں مد مقابل ہونگی۔ نیشنل ہاکی سٹیڈیم میں جاری ٹورنامنٹ میں گذشتہ روز آخری پول میچز کھیلے گئے جس میں پنجاب وائیٹس نے پنجاب کلر ٹیم کو چھ صفر سے مات دی۔ تیسرے میچ میں اسلام آباد نے بلوچستان کے خلاف چھ صفر سے کامیابی سمیٹی۔ عائشہ رفیق نے ہیٹ ٹرک، ساحل ملک نے دو جبکہ حنا عروج نے ایک گول سکور کیا۔