کراچی: رینجرز کی کارروائی‘ کالعدم جماعت الاحرار کا بھاری مقدار میں اسلحہ برآمد

کراچی(صباح نیوز)لانڈھی تھانے کے قریب حساس ادارے نے کارروائی کر کے بھاری تعداد میں اسلحہ اور گولیاں برآمد کر لیں۔کارروائی زیر حراست ملزم کی نشاندہی پر کی گئی۔برآمد اسلحہ کالعدم تنظیم جماعت الاحرار کا بتایا جاتا ہے۔ دوسری جانب سپرہائی وے جنت گل ٹائون میں رینجرز کی جانب سے سرچ آپریشن کیا گیا۔ علاقے کے داخلی خارجی راستوں کو سیل کر کے گھر گھر تلاشی لی گئی۔ تلاشی کے دوران کالعدم جماعت کا کارندہ گرفتار جبکہ دو مشتبہ افراد کو حراست میں لے لیا گیا۔ حسین ہزارہ گوٹھ میں رینجرز نے سرچ آپریشن کیا تاہم کوئی گرفتاری عمل میں نہیں آئی۔ دوسری جانب سہراب گوٹھ افغان بستی سے خاتون کی نعش ملی ہے۔ پولیس کے مطابق نعش کی شناخت تاحال نہیں ہوسکی تاہم واقعہ کی تحقیقات جاری ہیں۔