سعودی عرب نے حوثی باغیوں کی طرف سے داغاگیا میزائل مارگرایا

سعودی عرب نے جازان شہرکو نشانہ بنانے والے حوثی میزائل کو مار گرایا ۔ غیرملکی خبر رساں ادارے کے مطابق میزائل یمن سے حوثی باغیوں نے داغاتھا۔سعودی حکام کے مطابق سعودی عرب کی فضائی ڈیفنس فورس نے یمن کے حوثی باغیوں کی طرف سے داغا گیا بیلسٹک میزائل سرحدی شہر جازان میں مار گرایا۔عرب اتحادی فوج کے ترجمان کرنل ترکی المالکی نے کہا کہ حوثیوں کی طرف سے سعودی عرب میں شہری آبادی کو دانستہ طورپر نشانہ بنانے کی کوشش کی جا رہی ہے ۔مزید برآں یمن جنگ کے دوران حوثی باغیوں کی جانب سے100 سے زائد بیلاسٹک میزائل حملے کرچکے ہیں۔