لا ہو ر (نمائندہ خصوصی)لاہورانویسٹی گیشن پولیس گلشن اقبال اورراوی روڈ نے کارروائی کرتے ہوئے ڈکیتی اورموبائل سنیچنگ کی وارداتوں میں ملوث 2گروہوں کے6ملزمان گرفتارکرکے ان سے لاکھوں روپے نقدی،موبائل فونز اور ناجائز اسلحہ برآمدکر لیاہے۔ چوری کی وارداتوں میں ملوث گینگ کے3ملزمان ساغر علی، راشد علی اور گل آغاکو گرفتار کرکے لاکھوں روپے نقدی ،موبائل فونز اور ناجائز اسلحہ برآمد کر لیا۔اسی طرح انچارج انویسٹی گیشن گلشن اقبال سب انسپکٹر عاصم جہانگیر نے ڈکیتی و موبائل سنیچنگ کی وارداتوں میں ملوث شہباز ڈکیت و موبائل سنیچر گینگ کے سرغنہ شہبازمقصوداور اس کے دو ساتھیوں راحیل شیخ، وکی مسیح ، کو گرفتارکر کے ان سے 11موبائل فونز ،نقدی،اور ناجائز اسلحہ برآمد کر لیا ہے۔