شیخوپورہ: دہشت گردی کے واقعہ میں شہید جوان کی فوجی اعزاز کیساتھ تدفین

شیخوپورہ (نمائندہ نوائے وقت) ارض پاک کی حفاظت کرتے ہوئے دہشت گردی کے واقعہ میں جام شہادت نوش کرنے والے پاک فوج کے فوجی جوان محمد بلال شہید ولد ثناء اللہ ساکن راجپورہ نارنگ منڈی تحصیل مریدکے کو مقامی قبرستان میں سینکڑوں سوگواروں کی موجودہ میں نماز جنازہ کے بعد فوجی اعزاز کے ساتھ دفن کر دیا گیا۔ نماز جنازہ میں پاک فوج کے افسران اور ورثاء سمیت مختلف شعبوں سے وابستہ افراد کی بڑی تعداد نے شرکت کی۔