کبیروالا(نامہ نگار) لو گوں کو گھربلا کر بلیک میل کر کے رقم اینٹھنے والا مبینہ’’مسرت بی بی گینگ‘‘ بے نقاب، گینگ متعددشہر یوں کو بلیک میل کر کے بھاری رقم وصول کر چکا، حسینہ سمیت 5ساتھیوں کے خلاف مقد مہ در ج بظاہر گرفتار، علاقہ معززینکے آنے پر تھانے نہ لیجایا گیا،ضمانتیں کرالیں تفصیل کے مطابق سٹی پولیس نے خو برو حسینہ کے ہمراہ شہریوں، تاجروں کو مختلف بہانوں سے گھر بلا کر گن پوائنٹ پرخودساختہ زیادتی کا اعترافی ویڈیو بیان ریکارڈ کر کے سوشل میڈیا پر اپ لوڈکرنے کی دھمکییاں دے کربھاری رقم اینٹھنے والا مبینہ5رکنی گینگ پکڑ لیا ہے، گینگ کی سرغنہ مسرت بی بی  نے بستی نواں شہر سیداں میں رہائش کی آڑ میں اپنا اڈا قائم کررکھاتھا جہاں وہ شہریوں کو ورغلا کر بلاتی ،گروہ کا انکشاف اس وقت ہوا جب ریت بجری کے تاجرمحمد سلیم کوگینگ کی سرغنہ مسرت بی بی نے بل کی ادائیگی کے بہانے گھر بلوایا جب مذکورہ اسکے گھر پہنچا تواڈے پر موجود مسرت بی بی کے دیگر ساتھیوں تنویر،نذر عبا س شاہ ،فیصل عبا س،واجد علی شاہ نے اسے گھیر لیا اورکمرے میں حبس بے جا میں رکھتے نیم برہنہ کر کے بجلی کی ننگی تاروں اورگرم استری سے جسم داغنے کی دھمکیاں دیتے خودساختہ زیادتی کا اعترافی بیا ن ریکارڈ کر کے بھاری رقم کی ادائیگی کا کہا تاہم اسکے انکار پرتھانے جانے اورویڈیو سوشل میڈیا پرڈالنے کی دھمکیوں کے بعد معاملہ تھانہ سٹی پہنچ گیا۔