خدمت کا سفر جہاں پر رکا تھا وہیں سے شروع کریں گے:مدثر قیوم ناہرا

نوشہرہ ورکاں(نامہ نگار )  خدمت کا سفر جہاں پر رکا تھا پھر وہاں سے شروع کریں گے سابق ایم این اے ، مدثر قیوم ناہرہ نے صحافیوں سے گفتگو کرتے ہوئے کہا ہے کہ ہم نے اپنی حکومت میں علاقہ بھر میں سڑکوں کے جال بچھائے اور اس کے ساتھ ساتھ یونین کونسل کی سطح پر ہائی سکولز منظور کروائے تاکہ ضلع گوجرانوالہ کی پسماندہ ترین تحصیل میں لٹریسی ریٹ بہتر ہو سکے انہوں نے صحافیوں سے گفتگو کرتے ھوئے کہا کہ تحصیل نوشہرہ ورکاں میں  دوسٹیڈیم اور ایک ان ڈور گیمز کے لیئے سٹیڈیم بنوایا  جبکہ تبدیلی سرکار نے آتے ہی ہمارے ترقیاتی  کاموں میں خلل ڈالا یہاں تک کہ سٹرکوں کی مرمت بھی نہیں کروائی گئی جس کی وجہ سے نوشہرہ ورکاں کو لنک کرنے والی تمام سڑکیں ٹوٹ پھوٹ کا شکار ہیں انہوں نے اس بات کا اعادہ کیا کہ اگر ہماری حکومت رہی تو ہم علاقے کی تعمیر وترقی اور عوام کی خدمت کا سفر وہاں سے شروع کریں گے جہاں پر رکا تھا ، ان کے ساتھ  اظہر قیوم ناہرہ ایم این اے این اے 84 اور چوہدری گلفام ملہی نائب صدر یوتھ ونگ ن لیگ ضلع گوجرانوالہ و دیگر موجود تھے۔