اسلا م آبا د (خصوصی نامہ نگار) بلغاریہ میں تعینا ت پا کستانی سفیر مریم آفتاب کی قومی اسمبلی کے چیئر پرسن ریڈوسلاف ویسلیف سے ملاقات۔ تفصیلا ت کے مطا بق  پاکستان بلغاریہ دوستی گروپ کی حال ہی میں بننے والی چیئر پرسن ریڈوسلاف ویسلیف سے ملاقات کی۔  ملا قات کے دوران پاکستان کی سفیر مریم آفتاب نے دونوں ممالک کے درمیان بہترین تعلقات پر روشنی ڈالی۔پاکستان کی سفیر نے کہا کہ ایمبیسی کی خصوصی کاوشوں سے دوطرفہ تعلقات میں مزید فروغ آیا ہے جبکہ باہمی تجارت اور کلچر کے شعبوں میں باالخصوص مزید بہتری آئی ہے ۔ چیئر پرسن ریڈوسلاف ویسلیف  نے پاکستان کی سفیر کا شکریہ ادا کیا ۔انہوں نے دونوں ملکوں کے درمیان تعلقات کو مزید فروغ دینے میں گہری دلچسپی دکھائی جبکہ ٹریڈ ، آئی ٹی، تعلیم، انرجی اور سیاحت کے شعبوں میں تعاون کو فروغ دینے پر زور دیا ۔انہوں نے بلغاریہ کے سفارتخانہ کابل کے عملے کے باحفاظت انخلا پر پاکستان کا شکریہ ادا کیا۔دونوں اطراف نے مستقبل میں مزید میٹنگز کرنے کا بھی اعادہ کیا۔