لاہور (سپورٹس رپورٹر) پی سی بی سلیکشن کمیٹی نے سکواڈ کے اعلان میں مزید ایک روز مانگ لیا۔ سلیکشن کمیٹی اور ٹیم مینجمنٹ کی مشاورت جاری ہے، پاکستان کرکٹ ٹیم کی سلیکشن کمیٹی نے ٹی 20 ورلڈ کپ کیلئے فائنل کھلاڑیوں کا اعلان گزشتہ روزکرنا تھا۔ٹی ٹونٹی ورلڈ کپ 2024ء کا آغاز یکم جون سے امریکہ اور ویسٹ انڈیز میں ہو گا، قومی ٹیم میں 15 کھلاڑیوں کے علاوہ تین ریزرو کھلاڑیوں کو بھی شامل کیا جائیگا۔واضح رہے کہ آئی سی سی کو سکواڈ بھیجنے کی آخری تاریخ 25 مئی ہے، پاکستان واحد ملک ہے جس نے ابھی ٹیم حتمی ٹیم کا اعلان نہیں کیا۔ انگلینڈ اور پاکستان کے درمیان چار ٹی 20  میچوں پر مشتمل سیریز کا دوسرا میچ 25مئی کوبرمنگھم میں کھیلا جائیگا ، پاکستان ٹیم لیڈز سے برمنگھم پہنچ گئی،  آج صبح ساڑھے نو سے ساڑھے بارہ بجے تک پریکٹس کریگی۔پاکستان اور انگلینڈ کے درمیان دوسرا میچ ہفتے کو ایجبسٹن میں ہوگا۔