لاہور(کامرس رپورٹر) سی بی ڈی پنجاب نے اپنی روایت کو برقرار رکھتے ہوئے سی بی ڈی پنجاب بزنس بے کی کامیاب نیلامی کا انعقاد کیا۔ جس میں اتھارٹی نے مخلوط استعمال کے 3 پلاٹس نیلامی کیلئے پیش کئے جنہیں 6 ارب 55 کروڑ میں نیلام کیا گیا۔ سی بی ڈی پنجاب کی پہلی 2 کامیاب کمرشل پلاٹس کی نیلامی کے بعد یہ اتھارٹی کی تیسری کامیاب نیلامی ہے۔ کامیاب نیلامی کے موقع پر سی ای او سی بی ڈی پنجاب عمران امین کا کہنا تھا کہ یہ تیسری کمرشل نیلامی پنجاب کی اقتصادی ترقی کے ہدف کی طرف ایک اور قدم ہے۔نیلامی میں حصہ لینے والے تمام سرمایہ کاروں کو مشکور ہوں جنہوں نے سی بی ڈی پنجاب پر اعتماد کا اظہار کیا۔ سی سی بی ڈی پنجاب نے سرمایہ کاروں کی آسانی کیلئے آسان ادائیگی کا نظام اپنایا ہے جس آسان کاروباری ماحول کا فروغ ملے گا۔