لاہور(نامہ نگار) فصلوں کی باقیات جلا کر ماحولیاتی آلودگی کا باعث بننے والے ملزمان کیخلاف پنجاب پولیس کا کریک ڈاؤن جاری ہے۔ گذشتہ 24 گھنٹوں کے دوران لاہور سمیت صوبہ بھر میں 16 مقدمات درج کرتے ہوئے 3 ملزمان کو گرفتارکیا گیا ہے۔ترجمان پنجاب پولیس کے مطابق فصلوں کی باقیات جلانے پر مجموعی طور پر 139 مقدمات درج کرتے ہوئے 109 ملزمان کو گرفتار کیا گیا ہے۔صوبائی دارالحکومت میں 4 مقدمات درج کرتے ہوئے ایک ملزم کو گرفتار کیا گیا۔