پروفیشنل سنوکر کوالیفائنگ ٹورنامنٹ‘ پاکستان نے بھارت کو شکست دیدی 

لاہور(سپورٹس رپورٹر)پروفیشنل سنوکر کوالیفائنگ ٹورنامنٹ میں پاکستان نے بھارت کو شکست دیدی۔کیو سکول ایشیا ٹورنامنٹ میں حمزہ  اکبرنے لکشمن روات کو 4 - 2 سے شکست دی جبکہ حمزہ اکبر نے بھارتی کیوئسٹ کے خلاف آخری فریم میں 113 کا بریک بھی کھیلا۔حمزہ اکبر دوسرے راؤنڈ میں تھائی لینڈ کے پاسا کورن سیت یکرائی سے مقابلہ کریں گے۔پاکستان کے حارث طاہر نے بھی کیو سکول ٹورنامنٹ میں پہلا میچ جیت لیا، انہوں نے چین کے ڈونگ زیاو کو 4- 1 سے شکست دی۔واضح رہے کہ ہر سال 4کیو سکول ٹورنامنٹ سے 12 کھلاڑی پروفیشنل سنوکر میں جگہ بناتے ہیں۔