امریکہ میںتھینکس گِونگ ڈے کی تقریبات جاری ہیں۔ نیویارک میں اس حوالے سے سالانہ پریڈ کا اہتمام کیا گیا ہے جس میں پندرہ دیوہیکل جبکہ چوالیس کے قریب عجیب و غریب اشکال کے غبارے نمایاں ہیں۔ کارکنوں کی بڑی تعداد رنگ برنگے مختلف کارٹون کریکٹرزکے ان غباروں میں ہیلیم گیس بھرتی ہوئی نظرآرہی ہےجبکہ لوگ کدو، پانڈا اور بطخ کی شکل کے غباروں کو زیادہ پسند کررہے ہیں۔ اس خوبصورت پریڈ کا انعقاد کل کیا جائے گا جس کے راستوں میںتین کروڑسے زائد افراد کے مجمع کی توقع کی جارہی ہے۔ دوسری جانب لاس اینجلس میں باسکٹ بال کے سابق کھلاڑی پچانوے سالہ کِرک ڈاگلس اور ان کی اہلیہ نے بے گھر افراد کے لیے پرتکلف ڈنر کا اہتمام کیا۔ تقریب میں چارہزار کے قریب خواتین اور بچوں کو خصوصی تھینکس گونگ ڈے میل پیش کیا گیا جسے شرکاء نے بہت پسند کیا۔