بلغاریہ (نیوز ایجنسیاں)آئی بی ایس ایف ورلڈ سنوکر چیمپئن شپ آج سے بلغاریہ میں شروع ہوگی ۔ چیمپئن شپ میں مختلف ممالک کے کیوئسٹ ٹائٹل کی جنگ کےلئے ایکشن میں نظر آئیں گے۔ محمد آصف اور اسجد اقبال چیمپئن شپ میں پاکستان کی نمائندگی کرینگے۔ دوبئی انٹرنیشنل اوپن سنوکر چیمپئن شپ میں محمد آصف نے شاندار کارکردگی کا مظاہرہ کر کے فائنل تک رسائی حاصل کی تھی چیمپئن شپ انتظامیہ کے مطابق ایونٹ کے کامیاب انعقاد کےلئے بھرپور تیاریاں کی گئی ہیں۔