کراچی (سپورٹس رپورٹر) قومی رینکنگ سنوکر چیمپئن شپ کا فائنل آج میں محمد آصف اور محمد بلال ٹکرائیںگے۔ پہلے سیمی فائنل میں محمد بلال نے بابر مسیح کو سخت مقابلے میں چھ ، تین فریمز سے قابو کیا۔ انہوں نے123کا شاندار بریک بھی کھیلا  انہوں نے میچ کے دوران کسی بھی موقع پر حریف کھلاڑی کو اپنے اوپر حاوی نہیں ہونے دیا ۔دوسرے سیمی فائنل میں عالمی چیمپئن محمد آصف نے سابق قومی چیمپئن عمران شہزادکو ناک آؤٹ کیا۔ وہ چھ ، ایک فریمز سے یک طرفہ کامیابی اپنے نام کرنے میں کامیاب ہوئے۔ ایونٹ کا  پندرہ فریمز پر مشتمل فیصلہ کن معرکہ آج محمد آصف اور محمد بلال کے مابین  صبح دس بجے کھیل جائے گا، اختتامی تقریب میں شام پونے پانچ بجے مہمان خصوصی کمشنر کراچی شعیب احمد صدیقی کھلاڑیوں میں انعامات تقسیم کریں گے۔