عائشہ ارشد کی پینٹنگز نمائش کا الحمرا میں افتتاح شفقت محمود، میاں اسلم اقبال کی شرکت

لاہور(نیوز رپورٹر) لاہور آرٹس کونسل الحمرا میں عائشہ ارشد شاہ نواز کی بنائی ہوئی پینٹنگ پر مبنی نمائش کا انعقاد کیا گیا۔ وفاقی وزیر تعلیم شفقت محمود نے صوبائی وزیر اطلاعات و ثقافت پنجاب میاں محمد اسلم اقبال کے ہمراہ نمائش دیکھی۔ چیئرپرسن بورڈ آف گورنر لاہور آرٹس کونسل الحمرا منیزہ ہاشمی اور ایگزیکٹو ڈائریکٹر الحمرا اطہر علی خان نے بھی خصوصی شرکت کی۔ شفقت محمود نے نمائش کے افتتاح کے موقع پر کہا کہ خوشی ہے کہ ہمارا آرٹ ترقی کر رہا ہے۔ میاں اسلم اقبال نے کہا کہ ہم اعلی تہذبیوں کے وارث ہیں، ہماری سوسائٹی آرٹ سے بے پناہ محبت رکھتی ہے، حکومت فن اور فنکار کی فلاح و بہبود کے لئے ایسے اقدام کر رہی ہے جس کے حوصلہ افزاء نتائج برآمد ہوں گے۔