دیر بالا(آئی این پی ) دیربالا کے علاقے بری کوٹ میں کار دریائے پنجکوڑہ میں گرگئی، حادثے میں 6 افراد جاں بحق جبکہ2 زخمی ہوگئے۔پولیس کے مطابق دیربالا میں ایک کار میں سوار افراد گالوم کوہستان سے کلکوٹ کی طرف جارہے تھے کہ دریائے پنجکوڑہ کے مقام پر ان کی گاڑی دریا میں گرگئی جس کے نتیجے میں 6 افراد ڈوب کر جاں بحق ہوگئے۔پولیس کاکہناہے کہ حادثے میں 2 افراد زخمی بھی ہوئے جب کہ لاشوں کو اور زخمیوں کو نکال کر اسپتال منتقل کردیا گیا ہے۔