بھمبر (نامہ نگار) بھمبر میرپور روڈ پر چھپراں کے قریب ٹریفک کا المناک حادثہ 26 سالہ نوجوان موقع پر جاں بحق والدہ بھائی بہن اور رشتہ دار خاتون شدید زخمی حادثے کی اطلاع ملتے ہی مقامی لوگ اور پولیس موقع پر پہنچ گئی زخمیوں اور ڈیڈ باڈی کو ڈسٹرکٹ ہیڈ کوارٹر ہسپتال پہنچایا گیا۔پولیس نے واقع کی رپورٹ درج کر لی۔تفصیلات کے مطابق گزشتہ روز محمد انیس کشمیری کی فیملی اپنے رشتہ داروں کو ملنے ڈڈیال گئی ہوئی تھی واپسی پر انکی میران کار جیسے ہی چھپراں کے قریب پہنچی اور لنک روڈ سے ٹریکٹر ٹرالی جس پر جانوروں کا چارہ لوڈ تھا مین روڈ پہ آ گئی جس کی وجہ سے بدقسمت خاندان کی کار ٹریکٹر ٹرالی سے ٹکرا گئی حادثہ اتنا شدید تھا کہ فرنٹ سیٹ پر بیٹھے نوجوان افراسیاب انیس موقع پر دم توڑ گیا جبکہ اسکی والدہ بہن، 24 سالہ بھائی حسن انیس اور رشتہ دار خاتون شدید زخمی ہو گئے۔ جنھے فوری طور پر ڈسٹرکٹ ہیڈ کوارٹر ہسپتال پہنچایا گیا۔جہاں شدید زخمیوں کو طبعی امداد کے بعد میرپور ریفر کر دیا گیا۔مرحوم کو نماز جنازہ کے بعد سپرد خاک کر دیا گیا۔نماز جنازہ میں سیاسی و سماجی شخصیات وکلاء صحافیوں تاجروں سمیت عزیز واقارب کی کثیر تعداد نے شرکت کی ۔