تجاوزات کے خلاف آپریشن،37تھڑے 62شیڈز اور 14سیڑھیاں مسمار

لاہور(نیوزرپورٹر) کلین اینڈ گرین پروگرام کے تحت‘‘ میٹروپولیٹن آفیسر (ریگولیشن) زبیر احمد وٹوکی زیرنگرانی انٹی انکروچمنٹ اسکواڈ نے تجاوزات کے خلاف آپریشن کیا۔دوران آپریشن سنٹرل سکواڈ ٹاؤن ہال ا ور اقبال زون نے مانگا منڈی کے علاقہ میں پختہ تجاوزات میں 37تھڑے، 62شیڈز اور 14سیڑھیاں مسمار کر دیں جبکہ عارضی تجاوزات کا سامان 1ٹرک میں لاد کر سٹورمیں جمع کروادیا۔ سمن آباد زون سکواڈ نے فیروزپورروڈ سے تجاوزات کا سامان 1ٹرک ،شالامار زون سکواڈ نے لنک روڈ جی ٹی روڈسے تجاوزات کا سامان 1ٹرک ، راوی زون سکواڈ نے سرکلر روڈ، موچی گیٹ سے 1ٹرک ،داتا زون سکواڈ نے فیروزپوروڈ، جیل روڈ، مال روڈ سے 1ٹرک میں۔نشتر زون سکواڈ نے کچا جیل روڈ سے 1ٹرک، گلبرگ زون سکوا ڈنے علاقہ اقبال روڈ، مین بلیوارڈ گلبرگ، فیروزپورروڈکے علاقہ سے تجاوزات کا سامان 1ٹرک میں لاد کر سٹور میں جمع کروا دیا۔