بھارت میں کتوں کا 7 رکنی گروہ فوجی اعزازات کے ساتھ ریٹائرڈ

نئی دہلی (نیٹ نیوز) بھارت کی تاریخ میں پہلی بار کتوں کے ایک 09 نامی سات رکنی گروہ کو اعلیٰ فوجی اعزاز کے ساتھ ریٹائرڈ کر دیا گیا۔ بھارت میں صنعتوں مارکیٹسں اور حکومتی کاروباری اداروں کو سکیورٹی فراہم کرنے والے مرکزی سیکورٹی سنٹرل انڈسٹریل سیکیورٹی فورس (سی آئی ایس ایف) نے تقریباً 8 سال تک ادارے میں کام کرنے والے 7 کتوں کو اعزاز کے ساتھ 19 نومبر کو ریٹائرڈ کر دیا۔ نجی ٹی وی کے مطابق سی آئی ایف ایف کی جانب سے مذکورہ کتوں کے گروہ کی ریٹائرمنٹ کے حوالے سے خصوصی تقریب کا اہتمام کیا گیا اور انہیں ایک سپاہی کی طرح فوجی سرٹیفکیٹ اور میڈلز دیکر الوداع کیا گیا۔