ملتان (سپورٹس ڈیسک) آئی سی سی ورلڈ ٹیسٹ چیمپئن شپ کے پوائنٹس سسٹم میں تبدیلی کے فیصلے کے بعد یہ تو واضح ہوگیا ہے کہ فائنل میں اصل ٹاکرے کیلئے بھارت ،آسٹریلیا اور نیوزی لینڈ کے مابین جوڑ پڑیگا جبکہ 5 ویں نمبر پر موجود پاکستان کے فائنل تک رسائی کے امکانات اب نہ ہونے کے برابر ہیں۔ ورلڈ ٹیسٹ چیمپئن شپ میں بلے بازوں کی فہرست میں پاکستانی کپتان بابراعظم کو بھارتی کپتان ویرات کوہلی پر واضح سبقت حاصل ہے، بابراعظم اس وقت ورلڈ ٹیسٹ چیمپئن شپ میں زیادہ رنز سکور کرنے والے بلے بازوں کی فہرست میں 81 کی اوسط سے 810 رنز بنا کر چھٹے نمبر پر ہیں۔