فٹبال پریمیئر لیگ: لیورپول  نے لیسٹر سٹی کو تین صفر سے ہرا دیا

لاہور(سپورٹس ڈیسک) فٹبال پریمیئر لیگ میں دفاعی چیمپئن لیورپول نے حریف لیسٹر سٹی کو تین صفر سے ہرا دیا، دوسری پوزیشن پر قبضہ جما لیا۔اینفیلڈ میں فٹبال کے بڑے مقابلے میں دفاعی چیمپئن لیورپول اور لیسٹر سٹی کا آمنا سامنا ہوا۔ کرونا کے باعث محمد صلاح کی عدم شرکت کے باوجود لیسٹر سٹی دباؤ کا شکار رہی۔اکیسویں منٹ اون گول سے سکور ایک صفر ہوا، اکتالیسویں منٹ جوٹا نے بال کو جال میں ڈال کر کمال دکھایا، اسی دو صفر کی برتری سے دوسرے ہاف کا آغاز ہوا۔ چھیاسویں منٹ فرمینو کے گول سے سکور تین صفر ہو گیا، اسی پر میچ کا اختتام ہوا۔لیور پول کو پوائنٹس ٹیبل پر دوسرا نمبر ملا، بیس پوائنٹس کیساتھ سرفہرست ٹوٹنہم کے ہم پلہ ہو گئی۔