فیم فرینڈز فٹبال کپ ‘فائنلسٹ ٹیمیں مشترکہ چیمپئن قرار

لاہور(سپورٹس رپورٹر+نمائندہ سپورٹس) فیم فرینڈز فٹ بال کپ 2020  اختتام پذیر ہوگیا۔ فیم سپورٹس اور ڈی ایچ اے مشترکہ طور پر ایونٹ کی فاتح اور 60،60ہزار روپے انعامی رقم کی حقدار قرار پائیں ۔ باباکارگو نے تیسری پوزیشن کیساتھ 25ہزار روپے اور باٹا ایف سی نے چوتھی پوزیشن کیساتھ 15ہزار روپے انعام حاصل کیا۔ فائنل مقررہ وقت تک بغیر گول کے برابر رہا۔ گیارہ گیارہ پنلٹی ککس لگانے کے باوجود میچ کا فیصلہ نہ ہوسکا توانتظامیہ نے دونوں ٹیموں کو مشترکہ طور پر فاتح قرار دیدیا۔ فائنل میچ کے مہمان خصوصی پاکستان ویٹرن فٹبال ایسوسی ایشن کے پیٹرن ان چیف میاں عباس، سیف گیمز گولڈ میڈلسٹ سرور ٹیڈی اور فیم فرینڈز کپ آرگنائزنگ کمیٹی کے ہیڈ ضیاء عارف ڈوگر نے نمایاں کھلاڑیوں اورمیچ آفیشلز میں پانچ پانچ ہزار روپے جبکہ معزز مہمانوں میں شیلڈز تقسیم کیں۔