لاہور(سپورٹس رپورٹر) دورہ نیوزی لینڈ سے باہر ہونے والے پاکستان ٹیم کے اوپننگ بلے باز فخر زمان کی کوویڈ 19 ٹیسٹ کی رپورٹ منفی آگئی ہے جس کے بعد انہیں اپنے گھر جانے کی اجازت مل گئی ہے۔ پاکستان ٹیم کی نیوزی لینڈ روانگی کے بعد پیر کو فخر زمان کا کوویڈ 19 ٹیسٹ لیا گیا تھا جس کی منگل کے روز رپورٹ موصول ہوئی تھی۔ فخر زمان دورہ نیوزی لینڈ کے لیے اعلان کردہ قومی اسکواڈ کا حصہ تھے تاہم اتوار کے روز قومی سکواڈ کی نیوزی لینڈ روانگی سے قبل فخر زمان کو تیز بخار ہوگیا تھا۔ نیوزی لینڈ کی حکومت اور بیرون ملک سفری ہدایات کے مطابق تیز بخار کے باعث فخر زمان سکواڈ سے باہر ہوگئے تھے۔