پاکستان کیخلاف ٹیسٹ سیریز‘مشفیق ‘شکیب کی بنگلہ دیشی سکواڈ میں واپسی

لاہور(سپورٹس رپورٹر)بنگلہ دیش کرکٹ بورڈ نے پاکستان کیخلاف 2 ٹیسٹ میچز پر مشتمل سیریز کے پہلے میچ کیلئے16 رکنی سکواڈ کا اعلان کردیا ہے۔ مشفیق الرحیم کی  واپسی ہوئی جبکہ شکیب الحسن کی شمولیت فٹنس سے مشروط ہے۔تمیم اقبال جگہ نہ بناسکے۔ سکواڈ میں مومن الحق (کپتان)، صدمان اسلام، سیف حسن، نظم الحسین شانت، مشفق الرحیم، لٹن کمار داس، نورالحسن، مہدی حسن، نعیم حسن، تائز الاسلام، عبادت حسین، ابو زید راہی، یاسر علی، محمود الاسلام ، ریضا الرحمان رضا اور شکیب الحسن شامل ہیں۔