سندر (نامہ نگار) سندر انڈسٹریل سٹیٹ میں بورڈ آف مینجمنٹ کے تعاون سے صنعتی ورکرز کو تفریحی مواقع فراہم کرنے کے سلسلہ میں آٹھویں سندر پریمیئرلیگ کرکٹ ٹورنامنٹ کا انعقاد کیا گیا ۔افتتاح صدر سندر سٹیٹ بورڈ آف مینجمنٹ ہارون علی خان نے کیا ‘صدر سندر سٹیٹ کے مطابق سندر انڈسٹریل سٹیٹ کی 16 صنعتوں کی ٹیموں نے حصہ لیا ۔یہ صحت مندانہ سرگرمی ہے اور آئندہ بھی ایسی سرگرمی سندر سٹیٹ ہوتی رہے گی ۔ لیگ کو سپانسر کرنے والی کمپنیوں کا بھی شکر گزار ہوں۔