کراچی (اسپورٹس رپورٹر) چلڈرن ڈے کے سلسلے میں دیا وومن فٹبال کلب کے زیر اہتمام بسکونی انڈر 10 گرلز اینڈ بوائز مکس فٹبال ٹورنامنٹ کا انعقاد کیا گیا جس میں 7 ٹیموں نے شرکت کی۔ فائنل میں TLV کمیونٹی کلب نے میٹروول یونائیٹڈ کو ہرادیا۔ تھرڈ پوزیشن سائوتھ یوتھ سوکر کلب فیئر پلے ٹرافی TLV کمیونٹی کلب، بیسٹ گول کیپر زیان روڈا، بیسٹ ڈیفنڈر انایا عاطف، بیسٹ مڈ فیلڈر ایم ایان خان، بیسٹ اسکورر میر اسماعیل 12 گول ، اسٹارپلیئرز ازکا عرفان، سلوا، اختار، عمر سلمان، ماحین علی، عمار شمسی، فارس حماد، ازیب خرم، اروا نواز، نازل، کوثر حسین تھے۔  مہمان خصوصی ہیومنسٹک انٹریگیٹو کونسلر مس ارمین اسماعیل تھیں۔ دیا کلب کی بانی و چیئرپرسن سعدیہ شیخ نے خطاب کرتے ہوئے کہا کہ فٹسال کی ترقی کیلئے تمام وسائل استعمال کررہے ہیں۔ تواتر کے ساتھ ٹورنامنٹ کا انعقاد اس سلسلے کی کڑی ہے۔ اس موقع پر رخسار راشد، ساجد کرن، علی گل محمد اور فیفا ریفری زاہد حسین بھی موجود تھے۔