راولپنڈی(اپنے سٹاف رپورٹر سے) ایس ایس پی آپریشنز وسیم ریاض خان نے پولیس لائنز ہیڈکوارٹرز پاک انگلینڈ کرکٹ سیریز اورسیاسی جماعت کے لانگ مارچ /جلسہ کے حوالے سے اجلاس کا انعقاد کیا ایس پی صدر محمد نبیل کھوکھر ،ایس ڈی پی اوز ،ڈسٹرکٹ سیکورٹی آفیسر ،ایس ایچ اوز سمیت دیگر افسران نے شرکت کی ، ایس ایس پی آپریشنز وسیم ریاض خان کا کہناتھاکہ ڈیوٹی پر مامور افسران بروقت ڈیوٹی پر رپورٹ کریں گے اورڈیوٹی کے اختتام تک ڈیوٹی پوائنٹ نہیں چھوڑیں گے ،کرکٹ سٹیڈیم میں داخلے کی اجازت واک تھرو گیٹ اور باڈی سرچنگ کے بعد دی جائے گی ،سینئر افسران فیلڈ میں موجود رہ کر ڈیوٹی پرتعینات افسران کو چیک اوربریف کریں گے ٹریفک کے بہاؤ کو یقینی بنانے کے لئے مربوط پلان تشکیل دیا جائے گاکھلاڑیوں آفیشلز کے ساتھ ساتھ شائقین کرکٹ کی سیکورٹی کو بھی یقینی بنایا جائے گا، ٹیمز، سٹیڈیم اور روٹ کی فول پروف سیکورٹی کے لئے تمام وسائل بروئے کار لائے جائیں گے،ملک و قوم کی سلامتی اور شہریوں کی جان و مال کی حفاظت کے لئے راولپنڈی پولیس ہمہ وقت کوشاں ہے۔