ٹیکسلا(نمائندہ نوائے وقت)ن لیگ کے سرکردہ رہنماء سابق صوبائی وزیرچوہدری محمدریاض آف گوجرخان نے ٹیکسلاسنگجانی سیدتنویرحسین نقوی کی رہائشگاہ پران کی والدہ مرحومہ کے انتقال پراظہارتعزیت کیا،چوہدری ریاض نے سوگوار خاندان کے تمام افراد،ڈاکٹرتوقیرحسین نقوی اورسید اسد علی شاہ سے بھی اظہارافسوس کیا،ا ور مرحومہ کیلیئے دعائے مغفرت کی،چوہدری ریاض نے اس موقع پرنمائندہ نوائے وقت سے گفتگوکرتے ہوئے کہاکہ سنگجانی کے سادات خاندان سے ہمارے دیرینہ تعلقات چلے آرہے ہیں،انہوںنے حالات حاضرہ پربات چیت کرتے ہوئے کہاکہ ہم پاکستان آرمی کے اس موقف کی بھرپورتائیداورحمائت کرتے ہیں،کہ مسلح افواج پاکستان کاکام ملک کی سرحدات کی حفاظت کرناہے،چوہدری ریاض نے مزیدکہاکہ ملک کے اندرجھوٹ اورنفرت کی سیاست کورواج دینے والے آئندہ چنددنوںکے بعدایک اوربڑا،یوٹرن لینگے،جس کے بعدان کی سیاست کاہمیشہ کیلیئے خاتمہ ہوجائے گا۔