راولپنڈی(جنرل رپورٹر) راولپنڈی شہر کے گنجان آباد علاقوں نیا محلہ کالج روڈسمیت دیگر علاقوں مےں گیس کی بندش اور کم دباﺅ کے باعث مکین مشکلات میں پھنس کر رہ گئے ہیں، صبح ناشتہ ، دن اور رات کے اوقات کھانے بنانے میں مشکلات کا سامنا کر رہے ہیں، ان علاقوں کے مکین مہنگے داموں لکڑیاں اور ایل پی گیس سلنڈر خریدنے پر مجبور ہیں اہل علاقہ کا اس حوالے سے کہنا تھا کہ ان علاقوں میں موسم سرما شروع ہونے سے پہلے ہی گیس کم آ رہی ہے اور کبھی کبھی تو بالکل نہیں آ تی گیس کا پریشر بھی اتنا کم ہو تا ہے جس سے کچھ نہیں پک سکتا،ہم لوگ مہنگے داموں گیس سلنڈر اور لکڑیاں خرید رہے ہیں پہلے ہی اتنی مہنگائی ہے کہ ایک عام آدمی کا گزار مشکل ہو چکا ہے ہماری اعلیٰ حکام سے اپیل ہے کہ وہ اس طرف توجہ دیں اورگیس کا مسئلہ حل کریں۔