لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیاہے۔ مانگا منڈی کے علاقے تالاب سرائے میں 12ڈاکوؤں نے فلور ملز میں گھس کر تمام لوگوں کو یرغمال بنا کر اکاؤنٹ کی سیف الماری سے ساڑھے 25 لاکھ روپے جبکہ وہاں موجود جاوید سیل مین سے ساڑھے3 لاکھ روپے اور ٹھیکیدار اکرام علی سے ایک لاکھ روپے نقدی لوٹ لی اور فرار ہو گئے ہیں۔ ڈاکوؤں نے جوہر ٹاؤن کے علاقے میں سرفراز کے گھر گھس کر اہلخانہ کو گن پوائنٹ پر یرغمال بنا کر 4لاکھ روپے‘ چوہنگ کے علاقے میں موٹر سائیکل رکشے میں سوار 6خواتین اور ایک مرد ڈاکو نے  جانوروں کے بیوپاری ظفر کو تشدد کا نشانہ بنا کر 4لاکھ 38 ہزار روپے، وحدت کالونی کے علاقہ میں ایک فارمیسی میں گھس کر عملے اور گاہکوں کو گن پوائنٹ پر یرغمال بناکر ساڑھے3لاکھ روپے‘ باغبانپورہ کے علاقے میں سجاد کے والد سے 2 لاکھ روپے‘ ڈیفنس کے علاقے میں یاور سے ایک لاکھ روپے، شالیمار کے علاقے میں امجد سے 52 پچاس ہزار روپے ‘ کاہنہ کے علاقے میں فیاض سے 22 ہزار روپے‘ مغلپورہ کے علاقے میں عباس سے 30 ہزار روپے، لٹن روڈ کے علاقے میں ساجدہ سے ہزاروں روپے نقدی‘ نشتر کالونی کے علاقے میں حمزہ سے 21 ہزار روپے‘ رائیونڈ سٹی کے علاقے میں سمیر سے 4 ہزار روپے‘ کاہنہ کے علاقے میں لطیف سے 2ہزار روپے لوٹ کر فرار ہو گئے ہیں۔ چوروں نے ڈیفنس اے  کے علاقے میں فہیم کے گھر کے تالے توڑ کر  14 لاکھ 6 6 ہزار روپے مالیت کی نقدی، طلائی زیورات اور دیگر سامان چوری کر لیا ہے۔ چوروں نے شہر کے مختلف علاقوں سے 3کاریں، 2رکشے اور 8 موٹر سائیکلیں چوری کر لی ہیں۔