ڈی ایس ریلوے ملتان کی یوسف والا چائینز ایچ ایس آر کمپنی کے سینئر صدرسے ملاقات ، پاور پلانٹ کیلئے لائٹ لائن کو آپریشنل کرنے پر رضا مند کیا

ملتان(سپیشل رپورٹر)ڈویژنل سپریٹینڈنٹ ریلوے ملتان حماد حسن مرزا کا ڈپٹی ڈی ایس صائمہ بشیر ، ڈی ٹی او محسن علی سیال ، ڈی ایس ای ابرار محمد سیال اور ڈی ایم ای فہیم زمان سمیت افسران کے ہمراہ یوسف والا چائینز ایچ ایس آر کمپنی کے سینئر صدر چن کائی کے ساتھ ملاقات، پاور پلانٹ کیلئے لائٹ لائن کو آپریشنل کرنے پر رضا مند کیا،ڈی ایس ریلوے ملتان ڈویڑن حماد حسن مرزا کا کہنا تھا کہ لائٹ لائن آپریشنل ہونے سے کول آپریشن میں بہتری آئے گی، بعدازاں انہوں نے ریلوے اسٹیشن ، ریلوے یارڈ اور پاور پلانٹ کا دورہ کیا دستیاب سہولیات کا بھی بغور جائزہ لیا ,اس موقع پر ڈویژنل سپریٹینڈنٹ ریلوے ملتان حماد حسن مرزا کا کہنا تھا کہ ملتان ڈویژن میں ٹرین سروس کو مزید بہتر بنانے کے لیے اور عوام کی سہولت اور ریلوے کی بہتری کیلئے ہر ممکن کوشش جاری رکھی جائے گی۔