بابا گورو نانک کے جنم دن کی تقریبات 3 ہزاربھارتی سکھ یاتریوں کو ویزے جاری

نئی دہلی (نیٹ نیوز) نئی دہلی میں پاکستانی ہائی کمیشن نے کہا ہے بابا گورو نانک کے جنم دن کی تقریبات کیلئے سکھ یاتریوں کو ویزے جاری کر دیئے۔ پاکستانی ہائی کمیشن نے بتایا انڈیا سے تقریبا 3 ہزار سکھ یاتریوں کو 25 نومبر سے 4 دسمبر 2023تک پاکستان میں بابا گرو نانک دیو جی کے جنم دن کی تقریبات میں شرکت کیلئے ویزے جاری کئے گئے، اپنے دورے کے دوران سکھ یاتری ڈیرہ صاحب، پنجہ صاحب، ننکانہ صاحب اور کرتارپور صاحب بھی جائیں گے۔