لاہور(سپورٹس رپورٹر)ورلڈ سنوکر چیمپئن 2024 ء محمد آصف اورسابق ہاکی اولمپئین شہباز سینئر نے پولیس لائنز قلعہ گجر سنگھ کا دورہ کیا ۔ایس پی ہیڈ کوارٹر احمد زنیر چیمہ نے قومی ہیروز کا استقبال کیا اور گلدستے پیش کئے۔ڈی ایس پی ہیڈ کوارٹر نعیم یاسین‘ریزرو انسپکٹر لائن بابراشرف‘انچارج سپورٹس انسپکٹر مسعودالرحمن بھی موجودتھے۔قومی ہیروز کا ریڈ کارپٹ پر استقبال کیا گیا'پھولوں کی پتیاں نچھاور کی گئیں۔ محمد آصف نے پولیس لائن میں نئے سنوکر کلب کا افتتاح کیا۔ورلڈ چیمپئن محمد آصف نے کہا کہ سنوکر کے کھیل کو فروغ دینے کیلئے پنجاب پولیس کا بہت اچھا اقدام ہے۔قومی ہیروز نے کہا کہ ملک و قوم کی سربلندی کیلئے پاکستان کا جھنڈا پوری دنیا میں لہراتے رہیں گے۔سنوکر ٹورنامنٹس‘سنوکر  ٹیلنٹ کو نکھارنے میں لاہور پولیس کیساتھ  تعاون کرینگے۔ایس پی ہیڈ کوارٹر احمد زنیر چیمہ نے اعزازی شیلڈز پیش کیں۔