لاہور(سپورٹس رپورٹر)ہائر ایجوکشن کمیشن کی جانب سے دو روزہ پرائم منسٹریونیورسٹی سپورٹس اولمپیاڈ 2024کا انعقاد کیا گیا ۔یونیورسٹی آف سنٹرل پنجاب نے تمام گیمز میں حصہ لیا۔ تیراکی ، ریسلنگ، اتھلیٹکس ، ٹیبل ٹینس اوروالی بال شامل تھے۔اور ان تمام کیمز میں جیت کر پرائم منسٹر یونیورسٹی المپیاڈ 2024کی فاتح قرار پائی۔چیئرمین پرائم منسٹر یوتھ پروگرام رانا مشہود احمد اور چیئرمین ایچ ای سی ڈاکٹر مختار احمد اختتامی تقریب کے مہمان خصوصی تھے، جیتنے والوں میں انعامات تقسیم کئے۔یوسی پی کی سوئمنگ ٹیم نے 18 گولڈ، 8 سلور اور 6 برانز میڈل جیتے۔ سمیر آصف 7 گولڈ میڈلز کیساتھ چیمپئن شپ کے بہترین تیراک قرار پائے۔ سمیر آصف اور آیان آصف نے بالترتیب 200 میٹر بٹر فلائی اور 800 میٹر فری اسٹائل مقابلوں میں 2 نئے ریکارڈ بنائے۔یوسی پی اتھلیٹکس ٹیم نے 13 طلائی، 8 چاندی اور 8 کانسی کے تمغے جیتے۔ شازل نے ہائی جمپ ایونٹ میں نیا ریکارڈ بنایا۔ یوسی پی ٹیبل ٹینس ٹیم نے سنگلز اور ڈبلز دونوں ایونٹ جیت لیے۔ یوسی پی ریسلنگ ٹیم نے ریسلنگ چیمپئن شپ میں 10 میں س 8 طلائی تمغے جیتے اور اپنی 10 سال کی جیت کا سلسلہ جاری رکھا۔یوسی پی والی بال ٹیم نے فائنل میچ میں پونچھ یونیورسٹی راولاکوٹ کو شکست دی۔ڈاکٹر مختار احمد، چیئرمین ایچ ای سی اور جاوید میمن ڈی جی سپورٹس ایچ ای سی نے اس شاندار کامیابی پر یونیورسٹی آف سنٹرل پنجاب کی تعریف کی۔