ناجائز اسلحہ ‘نمائش ‘ہوائی فائرنگ ‘رواں سال 10ہزار سے زائد ملزم گرفتار

لاہور(نامہ نگار) لاہور پولیس نے رواں سال ناجائز اسلحہ کے 9445،اسلحہ کی نمائش کے194 اور ہوائی فائرنگ کے536ملزمان گرفتار کئے ہیں۔گرفتار ملزمان سے 129ک لاشنکوف ،559 رائفلیں ، 324گنیں،8492پسٹل اور46ہزار سے  زائد گولیاں برآمد کی گئی ہیں۔سی سی پی او لاہوربلال صدیق کمیانہ نے کہا کہ ہوائی فائرنگ،ناجائز اسلحہ اور اسلحہ کی نمائش پر زیرو ٹالرنس ہے۔قانون ہاتھ میں لینے والے عناصر کیخلاف بلا تفریق کارروائیاں جاری رکھی جائیں۔غیر قانونی اسلحہ،اسلحے کی نمائش، استعمال اور دھندے میں ملوث ڈیلرز کیخلاف کریک ڈاون میں تیزی لانے کی ہدایات جاری کرتے ہوئے کہا کہ سوشل میڈیا پر اسلحہ کی تشہیر اور ہوائی فائرنگ میں ملوث ملزمان کیخلاف سخت قانونی کارروائی عمل میں لائی جائے۔