جرائم پیشہ افراد کیخلاف آپریشن ‘15ملزم گرفتار‘اسلحہ ‘منشیات برآمد

لاہور( نامہ نگار) صدر ڈویژن پولیس نے گرینڈ آپریشن کرتے ہوئے 8ملزمان کو گرفتار کر لیا۔رائیونڈ پولیس نے ملزمان شبیر خان،محمد نیاز اور پرویز کو گرفتار کر کے 3 پستول برآمدکر لئے۔ مانگا منڈی سے2پسٹل سمیت 10 لیٹر شراب برآمدکی گئی۔گرفتار ملزمان میں افضل، غلام محی الدین اور بابرشامل ہیں۔چوہنگ اور جوہر ٹاؤن کے علاقوں سے 2منشیات فروش گرفتار کئے۔ گرفتار ملزمان میں شیرازاور عمران شامل ہیں۔ملزمان سے 3کلو 280گرام چرس برآمد کی گئی۔شاد باغ پولیس نے منشیات فروش سمیت دو ملزمان کو گرفتار کر لیا۔ملزم عبد الحنان سے 1500گرام چرس برآمد جبکہ ملزم عبد الوہاب سے اسلحہ برآمد کیاگیا۔شاہدرہ ٹاؤن پولیس نے قمار بازوں کیخلاف کارروائی کرتے ہوئے8 ملزمان کو گرفتار کر لیا۔ملزمان سے داؤ پر لگی ایک لاکھ 60 ہزارروپے رقم،موبائل فون اور تاش کے پتے برآمد کر لیے۔گرفتار ملزمان میں امیر حمزہ، حارث، عدنان،علی رضا اور عمیر وغیرہ شامل ہیں۔