قصور:تیز رفتار بس کی رکشہ کو ٹکر‘ 6 افراد زخمی

قصور (نمائندہ نوائے وقت) رائے ونڈ روڈ نجی ہسپتال کے قریب تیز رفتار بس کی رکشہ کو ٹکر، حادثے میں 6 افراد زخمی ہو گئے،ریسکیو عملے نے زخمیوں کو ہسپتال منتقل کردیا۔شدید زخمی ہونیوالے 50 سالہ شکیل، 70 سالہ حمیداں بی بی کو تشویشناک حالت میں لاہور اسپتال منتقل کر دیا گیا۔ حادثہ میں زخمی 18 سالہ عبدالمنان، 15 سالہ ابوبکر، 14 سالہ آفتاب اور 11 سالہ توحید بھی شامل ہیں ۔