موڑکھنڈا : ٹرالی کی ٹکر سے موٹرسائیکل سوار جاں بحق

موڑکھنڈا (نامہ نگار)گذشتہ روز موڑکھنڈا کے رہائشی 14 سالہ ابو زر اور 17 سالہ علی حسن موٹر سائیکل پر محلہ خاکی شاہ کی طرف جا رہے تھے۔ جاوید ہسپتال کے قریب ٹریکٹر ٹرالی کو کراس کرتے وقت موٹر سائیکل بے قابو ہو کر ٹرک سے ٹکرا گئی جس کے نتیجے میں ابو زر موقع پر جاں بحق ہو گیا جبکہ علی حسن شدید زخمی ہوا۔ ریسکیو 1122 نے زخمی نوجوان کو ابتدائی طبی امداد فراہم کرنے کے بعد ڈی ایچ کیو ہسپتال ننکانہ منتقل کر دیا۔