حافظ آباد:مبینہ پولیس مقابلے میں ملازم زخمی

حافظ آباد(نمائندہ نوائے وقت) کالیکی کے قریب مبینہ پولیس مقابلہ میں پولیس ملازم کو زخمی کرنے اور راہگیروں سے نقدی اور موٹر سائیکل چھیننے کے الزام میں پولیس تھانہ کالیکی نے چار ڈاکووں احمد، علی رحمانی،نوید وغیرہ کے خلاف مقدمہ درج کرلیا۔یہاں یہ امر قابل ذکرہے کہ گذشتہ روز مبینہ پولیس مقابلہ میں احمد نامی ڈاکو ہلاک ہوگیا تھا جبکہ ایک کوزخمی حالت میں گرفتارکرلیا گیا تھا باقی دوفرار ہونے میں کامیاب ہوگئے تھے۔مقابلہ میں دل میر پولیس ملازم شدید زخمی بھی ہوگیا تھا جس کو ٹراما سنٹر میںطبی امداد دی جارہی ہے جبکہ پولیس فرار ہونے والے ڈاکووں کی گرفتاری کے لئے چھاپے ماررہی ہے۔