ڈکیتی و چوری کی وارداتوں میں شہری مال و زر سے محروم 

کامونکی، نوشہرہ ورکاں (نمائندہ خصوصی+نمائندہ نوائے وقت) ڈکیتی وچوری کی وارداتوں میں شہریوں لاکھوں سے محروم ، نواحی گاؤں دراجکے میں کار سوار کامران بٹ اسکی اہلیہ سے تین ڈاکو ساڑھے آٹھ ہزار روپے ، ایک موبائل، طلائی انگوٹھیاں اور دو طلائی کڑے چھین کر فرار ہوگئے۔ عدیل ارشد سے تین ڈاکو بیالیس  ہزار روپے اور موٹر سائیکل چھین کر لے گئے۔ تھانہ سٹی کے علاقہ میں لوڈر رکشہ پر جانے والے کلیم اللہ سے تین ڈاکو دو لاکھ روپے چھین کر لے گئے۔چور گزشتہ رات جی ٹی روڈ پر واقع ایک ٹائلز فیکڑی  کے باہر تقریبا پچیس لاکھ روپیمالیتی کیبل تار چوری کرکے لے گئے۔پولیس مصروف تفتیش ہے ۔علاوہ ازیں چور مقامی زمیندار راؤ اشتیاق علی خان کے کھیتوں سے 15 من مونجی، عمر فاروق کا پیٹر انجن اور رانا عمر فاروق کی دو بھیڑیں چوری لے گئے پولیس نے مقدمات درج کر کے ملزمان کی تلاش شروع کی دی ہے۔