تتلے عالی:دیرینہ رنجش پر مخالف کی فائرنگ سے نوجوان زخمی

تتلے عالی (نامہ نگار) دیرینہ رنجش کی بناء  پر نوجوان نے گولی مار کر مخالف نوجوان کو شدید زخمی کردیا۔نواحی گاؤں عبداللہ پور کے امتیازصفدر اور زوہیب جٹ کی دیرینہ عداوت چلی آرہی ہے، گزشتہ رات جبکہ زوہیب اپنے ایک دوست اٹھارہ سالہ عبداللہ کے ہمراہ رسم مہندی کی تقریب سے واپس آرہا تھا کہ راستے میں گھات لگائے امتیاز نے ان پر فائرنگ کردی۔ جس کی زد میں آکر عبداللہ شدید زخمی ہوگیا۔ جسے طبی امداد کے لئے ہسپتال پہنچا دیاگیا ہے۔ تتلے عالی پولیس مصروف تفتیش ہے۔