لاہور(نامہ نگار)پیپلز پارٹی کے سینئر رہنما عابد حسین صدیقی نے کہا نہائت افسوس سے یہ کہنا پڑے گا کہ (ن) لیگ اپنا مطلب نکل جانے کے بعد ہر مرتبہ پیپلز پارٹی کے ساتھ دھوکا کرتی ہے،حالانکہ پیپلز پارٹی کو اس جماعت کا ساتھ دینے اور ان کو حکومت سازی کیلئے ووٹ دینے کی وجہ سے سیاسی طور پر بہت نقصان ہوتا ہے لیکن ہماری قیادت صرف اور صرف جمہوریت کو مضبوط کرنے کی خاطر اپنا سیاسی نقصان کرلیتی ہے۔ پیپلز پارٹی کی اس قربانی کا اعتراف (ن) لیگ کو کرنا ہی پڑے گا۔