پاور شیئرنگ فارمولے پر عملدرآمدسے(ن) لیگ ٹال مٹول کررہی ہے: میاں محمد ایوب 

لاہور(نامہ نگار)پیپلز پارٹی پنجاب کے نائب صدر،سابق مشیر وزیر اعظم میاں محمد ایوب نے کہا پاور شیئرنگ فارمولے کے حوالے سے جو فہرست پیپلز پارٹی کی لیڈر شپ نے اس کو دی تھی اس پر عمل درآمد کرنے سے (ن) لیگ ٹال مٹول سے کام لے رہی ہے۔ جب انہوں نے ہماری جماعت سے طے کیا تھا کہ پاور شیئرنگ پر عملدرآمد کے حوالے سے ہر مہینے اس کمیٹی کی فالواپ میٹنگ ہوا کرے گی تو پھر (ن) لیگ کیوں اس میٹنگ کے انعقاد سے گھبرا رہی ہے۔(ن) لیگ کا یہ رویہ کسی بھی طرح سے مناسب نہیں ہے اور اس کے منفی روئیے کی جتنی بھی مذمت کی جائے وہ کم ہے۔