درجنوں وارداتیں‘ ڈاکو شہریوں سے لاکھوں روپے‘زیوارت ‘قیمتی سامان لوٹ کرفرار

لاہور(نامہ نگار)ڈاکوئوں اور چوروں نے ڈکیتی و چوری کی وارداتوں کے دوران متعدد شہریوں سے لاکھوں روپے کی نقدی، زیورات،موبائل فون،موٹر سائیکلیں،گاڑیاں اور دیگرسامان لوٹ لیا ۔ ڈاکوئوں نے شفق آباد میں فاروق کے گھر میں گھس کر اہلخانہ کو گن پوائنٹ پر یرغمال بنا کر5 لاکھ جبکہ سبزہ زار میں آفتاب کے گھر سے ساڑھے 4لاکھ روپے ‘ زیورات،موبائل فون دیگر سامان،چوہنگ میں رضوان کی فیملی سے 3 لاکھ جبکہ نشتر کالونی میں عبید کی فیملی سے ڈھائی لاکھ ‘زیورات ‘ موبائل فون،جوہر ٹاؤن میں ساحر سے ڈیڑھ لاکھ‘ موبائل فون،راوی روڈ جواد سے ایک لاکھ‘ موبائل فون‘ بادامی باغ میں محمود احمد سے 84 ہزار‘موبائل فون،گلبرگ میں ماجد سے 59 ہزار ‘موبائل فون،مغلپورہ میں فواد سے 50 ہزار ‘موبائل فون، نولکھا میں بابر سے 18ہزار‘موبائل فون لوٹ لیا ۔چوروں نے گلبث،جوہر ٹاؤن‘ ڈیفنس سے3 کاریں،لٹن روڈ میں سے رکشہ جبکہ ٹاؤن شپ، موہلنوال،اچھرہ،مصری شاہ،مصطفی آباد،ہنجروال، شاہدرہ ٹاون،شیرا کوٹ،ساندہ اور نشر کالونی سے10موٹرسائیکلیں چوری کرلی ۔