لاہور (خصوصی نامہ نگار) میر پور میتھلو میں واقع ہندو مذہب کے قدیمی تیرتھ شادانی دربار حیات پتافی (سندھ) کی یاترا اور مذہبی رسومات کی ادائیگی کے لیے بھارت سے ہندو یاتری آج 24 نومبر کو واہگہ بارڈر کے راستے پیدل پاکستان داخل ہوں گے، جہاں پر متروکہ وقف املاک بورڈ کے ایڈیشنل سیکرٹری شرائنز سیف اللہ کھوکھر اعلیٰ حکام اور مقامی ہندو رہنما استقبال کریں گے۔ سکیورٹی رہائش، ٹرانسپورٹ سمیت دیگر انتظامات مکمل کر لئے گئے۔ ہندو یاتری سندھ میں واقع دربار حیات پتافی، میر پور میتھلو اور سکھر میں موجود قدیمی سادھو بیلہ مندر اور دیگر مذہبی مقامات کا دورہ کریں گے۔