چیمپئنز ٹرافی لاہور پہنچ گئی، رونمائی کا کوئی پروگرام شامل نہیں

 لاہور(سپورٹس رپورٹر ) آئی سی سی چیمپئینز ٹرافی کراچی ٹور مکمل کرنے کے بعدلاہور پہنچ گئی۔ باغوں کے شہر اور پاکستان کرکٹ بورڈ کے ہیڈکواٹر لاہور میں ٹرافی کی رونمائی کا کوئی پروگرام نہیں رکھا گیا۔ پی سی بی حکام نے کہا ہے کہ لاہور میں پہلے سے طے شدہ پروگرام کے مطابق ٹرافی کی کوئی سرگرمی نہیں تاہم حالات دیکھتے ہوئے پروگرام بنا تو مطلع کیا جائے گا۔آئی سی سی چیمپئینز ٹرافی 16نومبر کو اسلام آباد پہنچی تھی، ایبٹ آباد، مری سمیت مختلف مقامقات کے ٹور کے بعد کراچی میں اس کو لے جایا گیا۔ اب پی سی بی ہیڈ کوارٹر ٹرافی کو رکھ دیا گیا ہے، یہاں سے ٹرافی 26 نومبر افغانستان پہنچے گی، بنگلہ دیش، جنوبی افریقہ سے ہوتی ہوئی آخری مرحلے میں بھارت کے بعد 27جنوری کو دوبارہ پاکستان لائی جائیگی۔