اسلامی جمعیت طالبات پاکستان، شعبہ بزم گل کے تحت'رابطہ اسکول مہم منائی گئی

راولپنڈی(جنرل رپورٹر)اسلامی جمعیت طالبات پاکستان، شعبہ بزم گل کے تحت اکتوبر میں ''رابطہ اسکول مہم'' منائی گئی،پاکستان بھر کے تمام صوبوں میں مجموعی طور پر 200 سے زائد اسکولوں کی انتظامیہ سے ملاقاتوں میں بزم گل کے تعارف کے ساتھ بچیوں کی فکری و اخلاقی آبیاری اور انہیں ملک و ملت کا قیمتی سرمایہ بنانے کیلئے ساتھ مل کر کام کرنے کے حوالے سے ملاقاتیں کی گئیں۔ اسکول انتظامیہ سے یہ ملاقاتیں خوش آئند ثابت ہوئیں،مہم کے دوران ہی بزم گل کے ممبرز کے لیے ٹاسکس بھی اتارے گئے جس کا مقصد معاشرے میں مثبت اثرات کو فروغ دینا تھا نیز بچیوں نے ان ٹاسکس کو بہت شوق سے پورا کرنے کے بعد اپنے خوشگوار تاثرات کو بھی بیان کیا،5 اکتوبر کو یوم تکریم اساتذہ بھی منایا گیا جس میں بزم گل ممبرز نے اساتذہ میں تحائف تقسیم کئے اور دیگر طالبات کے ساتھ مل کر اساتذہ کے عزت و احترام  سے متعلق پمفلٹس تقسیم کئے گئے۔