حضرو پولیس کی کاروائی، موٹر سائیکل اور لاکھوں مالیتی گھریلو سامان چوری کرنے والا ملزم گرفتار

 حضرو (نمائندہ نوائے وقت)  آفاق احمد ولد محمد ہشتم سکنہ شینکہ نے تھانہ حضرو میں درخواست دی کہ میرا خالہ زاد بھائی سعید اختر ولد بنارس بسلسلہ روزگار بیرون ملک ہانگ کانگ ہوتا ہے جس نے اپنے گھر کی دیکھ بھال کے لیے اسلام ولد اجمل کو قریباََ 2 سال سے رکھا ہوا تھا جو نشہ کرتا تھا۔ گزشتہ رات اپنی خالہ کو ائیرپورٹ سے لے کر ان کے گھر پہنچے تو دیکھا کہ اندر لگی ہوئی گرل اور کمرہ کا تالا ٹوٹا ہوا تھا جو پڑتال سامان کرنے پر موٹرسائیکل، 3 عدد واشنگ  مشین، فریج، بستر و دیگر گھریلو سامان کل مالیتی 250000 روپے غائب تھا۔ تھانہ حضرو پولیس نے فوری طور پر مقدمہ درج کر کے تفتیش عمل میں لاتے ہوئے گھر سے چوری کرنے والے ملزم اسلام ولد اجمل سکنہ غورغشتی تحصیل حضرو کو گرفتار کر لیا جس کا ریمانڈ جسمانی لے کر مال مسروقہ بھی برآمد کر لیا گیا۔