راولپنڈی پولیس لائنزمیں فرینڈز آف پولیس انٹرن شپ پروگرام کا بیچ اختتام پذیر

راولپنڈی(اپنے سٹاف رپورٹر سے)انسپکٹر جنرل آف پولیس پنجاب ڈاکٹر عثمان انور کے ویژن کے مطابق راولپنڈی پولیس لائنز ہیڈکوارٹرز میں فرینڈز آف پولیس انٹرن شپ پروگرام کا بیچ اختتام پذیر،انٹرن شپ پروگرام میں مختلف تعلیمی اداروں کے طلبا و طالبات نے شرکت کی،دو ہفتے کے انٹرن شپ پروگرام میں سینئر پولیس افسران نے طلبا و طالبات کو پولیس ورکنگ اور پولیسنگ کے مختلف شعبوں پر لیکچرز دئیے گئے، انٹرن شپ پروگرام کے تحت طلبا و طالبات کو پولیس اسٹیشن ورکنگ،پولیس خدمت مرکز،فرنٹ ڈیسک، مختلف پولیس ایپس،ٹریفک پولیس،قانونی اورعدالتی کاروائی کے بارے میں آگاہی دی گئی، طلبا و طالبات کو سپیشل انیشیٹوپولیس اسٹیشن،پولیس لائنز ہیڈکوارٹرز، کمانڈاینڈ کنٹرول روم،ٹریفک ہیڈکوارٹرز، پولیس خدمت مرکز لیاقت باغ اورلیگل برانچ کا بھی دورہ کروایاگیا ،ایس ایس پی آپریشنز فلائٹ لیفٹیننٹ(ر) حافظ کامران اصغر کاکہناتھاکہ انٹرن شپ پروگرام کا مقصد پولیسنگ سے آگاہی اور اس میں بہتری کے لئے نوجوانوں کو ساتھ لے کر چلنا ہے۔ تقریب کے اختتام پرڈی ایس ایڈمن  نے فرینڈز آف پولیس انٹر ن شپ پروگرام میں شامل طلبا و طالبات میں سرٹیفکیٹس تقسیم کیے۔